Hæ hæ og halló!
Ég er hætt að nenna að blogga hér... kíkiði frekar á hina stórmerkilegu síðu

Já þá er skólinn byrjaður aftur. Líf og fjör að sjálfsögðu. Ég hefði haldið að ég fengi kannski að vera í Odda núna sem er heimabyggingin mín þar sem að þetta er síðasta árið mitt... en neinei við erum send út í læknagarð. Þar var víst eina stofan sem var laus (ég er alltaf í sömu stofunni) og nægilega stór fyrir okkur. Nægilega stór þýðir sem sagt að þröngt mega sáttir sitja, sumir þurfa að snúa sig úr hálsliðnum og í stofunni eru 36 stólar, þess má geta að við erum 40 á 4.ári og það er skyldumæting í tíma! Þeir eru svakalega góðir í stærðfræði í háskólanum. Þess má geta að við vorum nokkrar að hugsa um að skrá okkur bara í verkfræði þar sem að við stóðum okkur svo vel við að finna bestu mögulegu leið til að sitja í tímum, upphaflega komust 16 við borð.

Mér finnst ég líka hetja að hafa fundið stofuna í læknagarði, ég spurði einhverja læknanema þar sem ég sá engin stofunúmar nokkurs staðar þegar ég kom inn. Það vissi engin hvar stofan væri en líklegast fannst þeim að ég ætti að fara upp á efstu hæð og inn ganginn... þegar ég sá númerin á stofunum þar uppgötvaði ég að mín stofa væri líklegast í kjallaranum... sem var og hárrétt!

Það er samt eitt sem er ósanngjarnt þarna... við fáum tvær pásur og af eðlilegum ástæðum þurfa allir og þá meina ég ALLIR að pissa í seinni pásunni. Þess má geta að þarna eru básaklósett, stelpu- og stráka. En allavega eins og ég sagði þurfa allir að pissa í pásunni og við erum 40, þar af 39 stelpur! Þar af leiðandi er pásan búin þegar maður er búinn að pissa. Ég meina aumingja Friðrik, hann missir af öllum umræðunum í pásunni!

Þess má geta að ég er í mögnuðum áfanga núna, leslistinn okkar er tvær blaðsíður en við megum velja hvaða bækur við lesum. Flestar áhugaverðu bækurnar eru bara til á fjórðungssjúkrahúsinu á Akureyri! 

Með kveðju frá lestrarhestinum.

 

PS mér líkar vel við blog.is síðuna og er að hugsa um að vera þar áfram... þeir sem vilja link verða að kommenta á þeirri síðu og biðja um hann... fyrstir koma fyrstir fá!

gæti orðið besti dagur ævi þinnar ef þú bara notar hann rétt!
Hvaða snillingur sagði þessa vitleysu? Ég gerði mitt besta til að nota daginn rétt en það virtust flestir aðrir hafa gaman af því að koma í veg fyrir að hann yrði sá besti...

Í fyrsta lagi ætluðum við að ná í sjónvarpið okkar í viðgerð sem átti að vera tilbúið á þriðjudaginn... við náðum rétt fyrir lokun en okkur var sagt að tækið væri ekki tilbúið. Við gátum ekki orða bundist og sögðum að þetta væri lélegt það hefði átt að vera tilbúið á þriðjudaginn. Þá var það samþykkt að við fengjum nýtt tæki, hann myndi senda tölvupóst í BT og við ættum að fara þangað. Ekkert mál flott.

Því næst lá leiðin upp í Árbæ að hitta Styrmi, hann var ekki heima. Góð leið til að eyða tíma og bensíni.

Þá fórum við í BT mjög spennt yfir nýja sjónvarpinu okkar... en neinei verslunarstjórinn farinn heim og enginn gat hjálpað okkur, getum fengið það á morgun fyrir utan að ég get ekki borið það ein og Þorgeir er ekki heima á morgun! Bömmer Ég vona að tækið okkar sé uppselt og þeir þurfi að láta okkur fá dýrara tæki... bara að krossa fingur.

Jæja svo keyrðum við hratt niður í bæ til að ná í Hans Petersen fyrir lokun þar sem við áttum myndir þar sem við létum taka eftir myndunum hans bróður míns úr brúðkaupinu. En neinei Þorgeir rétt náði þangað fyrir lokun og þá var honum sagt að konan sem tók við myndunum hefði sent hann heim með yfirlitsmyndirnar sem þeir þurftu. Í staðinn fáum við 30% afslátt sem mér finnst ekki mikið þar sem þær verða tilbúnar á miðvikudaginn en frá föstudegi fram á miðvikudag eru meira en tveir dagar... en svona er lífið.

Niðurstaða: Dagurinn í dag fór í tilgangslausan rúnt um allan bæ og var ekki besti dagur ævi minnar þó ég reyndi að nota hann rétt. En þetta gengur bara betur næst, Þorgeir er líka að elda mat sem er vonandi góður og allt er gott sem endar vel!

En ég lofaði að segja eitthvað um vígsluna á morgungjöfinni... ég bara nenni því ekki núna kannski seinna. En við  Styrmir fórum út úr bænum, samvisku minnar vegna tók ég hringinn af mér og ég fékk rosalegt kikk út úr þessu!

Já hertu'pp hugann Pétur þú fjárhagsstjóratetur þetta gengur bara betur næst....

Blogdrive byrjar að virka akkúrat þegar ég er búin að búa mér til nýja síðu á blog.is og byrjuð að blogga þar! En jæja fyrst þessi er farin að virka er ég að hugsa um að halda mig bara á báðum vígstöðum um sinn og sjá hvað setur. Mér líður vel hérna en ef hún hættir að virka aftur gefst ég líklega alveg upp og færi mig yfir.

En annars held ég að Magni hafið fengið öll atkvæðin sem ég sendi með hugarorkunni í fyrri nótt meðan ég var sofandi því hann stóð sig eins og hetja strákurinn. Endalaust flott og var aldrei meðal þriggja neðstu, þvílík hamingja! Áfram Ísland! Mér fannst samt svolítið fyndið það sem kynnirinn sagði: "Þetta er í fyrsta skipti sem við vitum hver fékk flestu atkvæðin því Magni var aldrei meðal þriggja neðstu" Ég meina þetta stenst ekkert, þó að Lukast hafi verið meðal þriggja neðstu til að byrja með getur til dæmis vel verið að hann hafi farið yfir hann seinna meir þegar hin voru orðin neðst. Við vitum ekkert hver fékk flestu atkvæðin þó að Magni hafi aldrei verið meðal þriggja neðstu! Hvað var annars málið hjá skjáeinum í gær að setja auglýsingahlé meðan þátturinn var ennþá í gangi þarna úti... við hættum hérna á undan þeim, mér fannst það svindl þetta hefði getað verið mikilvægt. En þetta var það víst ekki svo þetta er í lagi, ég er stolt af því að vera Íslendingur. Ekki út af Magna sko, Ísland er bara svo kúl... en Magni er það líka.


En yfir í allt annað þá er ég að fara að vígja morgungjöfina mína á eftir með Styrmi.
Segi ykkur kannski á morgun hvernig gekk...

PS ég fékk slædsjóvið greinilega til að virka... sjá síðustu færslu

og þá fer að færast líf í bloggheimana. Ég ætla allavega að reyna að bulla eitthvað.
Það hefur svosem ýmislegt bloggnæmt á daga mína drifið síðan ég bloggaði síðast. Síðast fenguð þið myndir frá gæsuninni minni svo ætli það passi ekki vel að þið fáið núna myndir úr brúðkaupinu og brúðkaupsferðinni. Ég bjó til geðveikt flott slædsjó sem ég fékk ekki til að virka svo ég skelli bara inn einni mynd í lokin svo ef þið viljið sjá meira verðið þið bara að kíkja í heimsókn. Eins ef þið voruð í brúðkaupinu með myndavél endilega deila myndunum ykkar með okkur!
Annars buðum við fólki í grill á laugardaginn... ég verð að játa ég vissi ekki að það væri hægt að klúðra því að grilla, kjúllinn var á grillinu í klukkutíma eða meira en allt kom fyrir ekki, hann ákvað bara að grillast ekki og vera rauður inn við beinið. En við fengum kartöflur og grillgrænmeti er það ekki bara fínt? Ísinn hans Þráins var svo borðaður á sunnudeginum yfir spilum og góðum félagsskap, ég elska að spila!
Svo má ekki gleyma því að það var verið að setja Guðna Má í embætti skólaprests á sunnudaginn líka rosa flott, fín prédikun og hempan fer honum bar ágætlega! Annars var verið að ræða það eftir KSF fund hvað þetta er allt formlegt í kringum prestana þegar þeir fá vinnu, það væri gaman ef það hefði verið alvöru athöfn þegar ég var ráðin í mína vinnu... en ég held að það hafi verið tekið í höndina á mér og svo fékk ég lykla (þegar ég var búin að minn á þá). Ég mæli með því að Bónus hafi sérstaka viðhöfn og tilboð þegar næsti 14 ára kassastarfsmaður verður ráðinn!

En hérna kemur myndin njótið þess að skoða hvað ég og maðurinn minn erum sæt!